യേശുക്രിസ്തുവിന്‍റെ ജനനത്തോടുള്ള ബന്ധത്തില്‍ ലൂക്കോസ് ഇപ്രകാരമാണ് പ്രസ്താവിക്കുന്നത്: “ആ കാലത്തു ലോകം ഒക്കെയും പേര്‍വഴി ചാര്‍ത്തേണം എന്നു ഔഗുസ്തൊസ് കൈസരുടെ ഒരു ആജ്ഞ പുറപ്പെട്ടു. കുറേന്യൊസ് സുറിയനാടു വാഴുമ്പോള്‍ ഈ ഒന്നാമത്തെ ചാര്‍ത്തല്‍ ഉണ്ടായി. എല്ലാവരും ചാര്‍ത്തപ്പെടേണ്ടതിന്നു താന്താന്‍റെ പട്ടണത്തിലേക്കു യാത്രയായി” (ലൂക്കോ.2:1-3)   ലൂക്കോസിന്‍റെ ഈ പ്രസ്താവനയില്‍ തെറ്റുകള്‍ അനവധി വന്നിട്ടുണ്ടെന്ന് കഴിഞ്ഞ കാലത്തെ പല ബൈബിള്‍ വിമര്‍ശകരും കരുതിയിരുന്നു. പ്രധാനമായും മൂന്നു വസ്തുതകളാണ് അവര്‍ ചൂണ്ടിക്കാണിച്ചിരിക്കുന്നത്.   1)      ജനസംഖ്യയെടുപ്പ്‌ നടക്കുന്ന സമയത്ത് […]

യേശു ജനിച്ച കൃത്യം ഡേറ്റ് ആണ് ചോദ്യ കര്‍ത്താവ്‌ ഉദ്ദേശിച്ചതെങ്കില്‍ അത് ബൈബിളിന്‍റെ അടിസ്ഥാനത്തിലോ ചരിത്ര രേഖകളുടെ അടിസ്ഥാനത്തിലോ കണ്ടുപിടിക്കാന്‍ കഴിയുന്നതല്ല എന്ന് ആദ്യം തന്നെ അറിഞ്ഞിരിക്കുക. യേശുക്രിസ്തുവിന്‍റെ മാത്രമല്ല, അലക്സാണ്ടര്‍ ചക്രവര്‍ത്തിയുടെയോ അല്ലെങ്കില്‍ സോക്രട്ടീസിന്‍റെയോ പ്ലേറ്റോയുടെയോ അരിസ്റ്റോട്ടിലിന്‍റെയോ സീസറുടെയോ ആരുടേയും കൃത്യമായ ജനനത്തീയതി നമുക്ക്‌ കണ്ടെത്താന്‍ കഴിയുകയില്ല. കാരണം, യേശുക്രിസ്തു ജനിച്ച കാലഘട്ടത്തില്‍ കാലഗണന നടത്തിയിരുന്നത് ഇന്നത്തെ ആധുനിക കാലത്ത് നമ്മള്‍ കാലഗണന നടത്തുന്നത് പോലെയല്ല. ഓരോ രാജ്യത്തും ഭരണം നടത്തിയിരുന്ന രാജാക്കന്മാര്‍ അധികാരത്തില്‍ ഏറിയ […]

മനുഷ്യന്‍ ശാസ്ത്രത്തില്‍ അന്ധമായി തന്നെ വിശ്വസിക്കുന്നുണ്ട് എന്നത് ഒരു അതിശയോക്തിയല്ല. ‘ശാസ്ത്രജ്ഞന്മാര്‍ സത്യം പറയുന്നവര്‍ ആയിരിക്കും’ എന്നും ‘അവര്‍ തെളിവുകളെ മാത്രമേ പരിശോധിക്കൂ, അല്ലാതെ ഏതെങ്കിലും സിദ്ധാന്തത്തിനോടുള്ള  വൈകാരിക ആകര്‍ഷണം കാരണം ആ സിദ്ധാന്തത്തിന് അനുകൂലമായ വിധത്തില്‍ തെളിവുകളെ വളച്ചൊടിച്ച് മാനവ വര്‍ഗ്ഗത്തെ വഞ്ചിക്കാന്‍ ശ്രമിക്കും’ എന്നും സാധാരണക്കാര്‍ ഒരിക്കലും ചിന്തിക്കുകയില്ല. എന്നാല്‍, അവരുടെ ആ ചിന്ത അസ്ഥാനത്താണ്. പരിണാമവാദം സത്യമാണെന്ന് അന്ധമായി വിശ്വസിക്കുന്ന പല പരിണാമവാദികളായ ശാസ്ത്രജ്ഞന്മാരും പരിണാമത്തെ തെളിയിക്കാന്‍ വേണ്ടി കൃത്രിമമായി തെളിവുകള്‍ ഉണ്ടാക്കി […]

പരിണാമവാദികള്‍ മനുഷ്യനെക്കുറിച്ച് പറയുന്നത് ‘അവന്‍ രണ്ട് കാലില്‍ നടക്കുന്ന മൃഗം’ ആണെന്നാണ്‌. വേറെ ചില പരിണാമവാദികള്‍ ‘ചിന്തിക്കുന്ന മൃഗം’ എന്നും മനുഷ്യനെ വിശേഷിപ്പിക്കാറുണ്ട്. അവരെ സംബന്ധിച്ച് ജലത്തില്‍ ഉണ്ടായ ഏക കോശജീവിയില്‍ നിന്ന് പരിണമിച്ചു പരിണമിച്ചു പരിണാമത്തിന്‍റെ ഏറ്റവും മുകളിലെ തട്ടില്‍ എത്തി നില്‍ക്കുന്ന മൃഗമാണ് മനുഷ്യന്‍. പരിണമിക്കാന്‍ ആവശ്യമായ ആദ്യത്തെ ഏക കോശജീവിയും അതുണ്ടായെന്ന് പറയപ്പെടുന്ന ജലവും എങ്ങനെ ഉണ്ടായി എന്ന് ചോദിച്ചാല്‍ പരിണാമവാദികള്‍ പറയുന്ന ഉത്തരം ‘അത് യാദൃശ്ചികമായി ഉണ്ടായി’ എന്നതാണ്. ‘ഏകകോശ ജീവി […]

  ക്രൈസ്തവ വിശ്വാസത്തിനു വേണ്ടി ജീവന്‍ നല്‍കിയ ആദ്യകാല രക്തസാക്ഷികളുടെ വീരോചിത മാതൃക ഏതൊരു കാലത്തുമുള്ള വിശ്വാസികള്‍ക്ക്‌ ഊര്‍ജ്ജസ്രോതസ്സായി വര്‍ത്തിക്കുന്ന ക്രൈസ്തവ സഭാചരിത്രത്തിലെ തിളങ്ങുന്ന ഏടാണ്. സഭ വിവരണാതീതമായ പീഡനങ്ങളുടെ മധ്യേ കടന്നു പോയ ആ കാലത്ത് കര്‍ത്താവായ യേശുക്രിസ്തുവില്‍ മാത്രം വിശ്വാസം അര്‍പ്പിച്ച്, തങ്ങള്‍ വിശ്വസിക്കുന്ന അതിവിശുദ്ധ വിശ്വാസത്തിന് വേണ്ടി സ്വന്തം ജീവന്‍ തൃണസമാനം പരിഗണിച്ചു കൊണ്ട് വിചാരണക്കോടതികളുടെ മുമ്പാകെ അതിധൈര്യത്തോടെ തങ്ങളുടെ രക്ഷകന് സാക്ഷ്യം വഹിച്ചവരായിരുന്നു ആ രക്തസാക്ഷികള്‍. രക്തസാക്ഷികളെ കോടതിയില്‍ വിചാരണ ചെയ്ത […]

(ഈ ലേഖനത്തിലെ ഉദ്ധരണികളില്‍ ബഹുഭൂരിഭാഗവും ജോഷ്‌ മക്‌ഡവലിന്‍റെ ‘ഒരു വിധി അര്‍ഹിക്കുന്ന പുതിയ തെളിവ്‌’ എന്ന ഗ്രന്ഥത്തിന്‍റെ മലയാള പരിഭാഷയില്‍ നിന്നും എടുത്തിട്ടുള്ളതാണ്.)     തത്വശാസ്ത്രജ്ഞനായ ബെര്‍ട്രാന്‍ഡ് റസ്സല്‍ തന്‍റെ “എന്തുകൊണ്ട് ഞാന്‍ ക്രിസ്ത്യാനിയല്ല” (Why I Am Not a Christian?) എന്ന ഉപന്യാസത്തില്‍ ഇപ്രകാരം പറയുന്നു:   “ക്രിസ്തു എന്നെങ്കിലും ജീവിച്ചിരുന്നോ എന്ന കാര്യം ചരിത്രപരമായി സംശയാസ്പദമാണ്, അങ്ങനെ ജീവിച്ചിരുന്നിട്ടുണ്ടെങ്കില്‍തന്നെ, നമുക്ക്‌ അദ്ദേഹത്തെക്കുറിച്ച് ഒന്നും അറിയില്ല” (ബെര്‍ട്രാന്‍ഡ് റസ്സല്‍, Why I Am […]

ഹോമര്‍ ഡങ്കന്‍റെ ‘പരിണാമവാദം: സത്യമോ മിഥ്യയോ?’ എന്ന പുസ്തകത്തില്‍ നിന്നുള്ള ഒരു ഭാഗമാണ് താഴെ കൊടുക്കുന്നത്. ഈ പുസ്തകത്തില്‍ പരിണാമവാദികള്‍ സാധാരണയായി അവകാശപ്പെടാറുള്ള 22 പ്രസ്താവനകളെ കീറിമുറിച്ചു പരിശോധിച്ചിരിക്കുന്നു: I പരിണാമം ശാസ്ത്രീയമായി തെളിയിക്കപ്പെട്ടിട്ടുള്ള ഒരു വസ്തുതയാണ്. പരിണാമവാദികളുടെ ഈ അവകാശവാദത്തെപ്പറ്റി ഗ്ലെന്‍ ഡിക്കേര്‍സന്‍ ഇങ്ങനെ പറയുന്നു: പരിണാമവാദം സത്യം എന്ന രീതിയില്‍ പ്രചരിപ്പിക്കപ്പെടുന്നുണ്ടെങ്കിലും, പരിണാമം എന്ന പദം താഴെ പറയുന്ന കാര്യങ്ങളെ സൂചിപ്പിക്കുന്ന പൊതുവായ ഒരു വാക്കാണ്. 1. പ്രപഞ്ചത്തിന്‍റെ വളര്‍ച്ച (ഉല്‍പ്പത്തിക്കാധാരമായ ആദ്യ വസ്തുക്കള്‍ […]

ബൈബിള്‍ വിമര്‍ശകന്മാര്‍ ബൈബിളിലെ ശാസ്ത്രീയാബദ്ധത്തിന് തെളിവായി മുന്നോട്ടു വെക്കുന്ന ഒരു ആരോപണമാണ് ‘വാവല്‍ ഒരു പക്ഷിയാണെന്ന് ബൈബിളില്‍ പറയുന്നുണ്ട്’ എന്നത്. അതിനവര്‍ കൊണ്ടുവരുന്ന വേദഭാഗം ഇതാണ്: “പക്ഷികളില്‍ നിങ്ങള്‍ക്കു അറെപ്പായിരിക്കേണ്ടുന്നവ ഇവ, അവയെ തിന്നരുതു; അവ അറെപ്പു ആകുന്നു. കഴുകന്‍, ചെമ്പരുന്തു, കടല്‍റാഞ്ചന്‍, ഗൃദ്ധം, അതതു വിധം പരുന്തു, അതതു വിധം കാക്ക, ഒട്ടകപ്പക്ഷി, പുള്ളു, കടല്‍കാക്ക, അതതു വിധം പ്രാപ്പിടിയന്‍, നത്തു, നീര്‍ക്കാക്ക, കൂമന്‍, മൂങ്ങ, വേഴാമ്പല്‍, കുടുമ്മച്ചാത്തന്‍, പെരിഞ്ഞാറ, അതതതു വിധം കൊക്ക്, കുളക്കോഴി, […]

ബൈബിള്‍ വിമര്‍ശകന്മാര്‍ ബൈബിളിന് നേരെ ഉന്നയിക്കുന്ന മറ്റൊരു ആരോപണം ‘ഭൂമിക്ക് തൂണുകള്‍ ഉണ്ടെന്നു ബൈബിള്‍ പറയുന്നു’ എന്നുള്ളതാണ്. ബൈബിള്‍ മനുഷ്യര്‍ക്ക്‌ മനസ്സിലാക്കാന്‍ വേണ്ടി എഴുതിയ പുസ്തകമാണ്. അത് എഴുതിയത് പരിശുദ്ധാത്മനിയോഗം പ്രാപിച്ച സാധാരണ മനുഷ്യരാണ്. അവരുടെ ശൈലിയില്‍ സാധാരണക്കാര്‍ക്ക്‌ മനസ്സിലാകുന്ന ഭാഷയില്‍ എഴുതിയതാണ് ബൈബിള്‍. ഇന്നും നേരം വെളുത്താല്‍ ഏതൊരു കൊടികെട്ടിയ ശാസ്ത്രജ്ഞനും പറയുന്നത് “സൂര്യന്‍ ഉദിച്ചു” എന്നാണ്. വാസ്തവത്തില്‍ സൂര്യന്‍ ഉദിക്കുകയല്ല, ഭൂമിയുടെ ഭ്രമണത്തില്‍ നാം നില്‍ക്കുന്ന ഭാഗം സൂര്യന് അഭിമുഖമായി വരുമ്പോഴാണ് ഇരുട്ട് മാറി […]

ഏകസത്യദൈവത്തിന്‍റെ മാറ്റമില്ലാത്ത വചനമായ ബൈബിള്‍ ഒരു ശാസ്ത്രഗ്രന്ഥമല്ല; ശാസ്ത്രസത്യങ്ങള്‍ മനുഷ്യര്‍ക്ക്‌ വെളിപ്പെടുത്തിക്കൊടുക്കണം എന്ന ഉദ്ദേശ്യത്താലല്ല അത് രചിക്കപ്പെട്ടിരിക്കുന്നതും. അതിന് ദൈവം മനുഷ്യര്‍ക്ക്‌ ചിന്താശേഷിയും വിവേകവും യുക്തിബോധവും അന്വേഷണത്വരയും നിരീക്ഷണപാടവും ബുദ്ധിശക്തിയുമെല്ലാം നല്‍കിയിട്ടുണ്ട്. ദൈവം നല്‍കിയ ആ കഴിവുകള്‍ സമര്‍ത്ഥമായി ഉപയോഗിച്ച് ഏതൊരാള്‍ക്കും ഈ പ്രപഞ്ചത്തിലെ ശാസ്ത്രീയ സത്യങ്ങള്‍ കണ്ടെത്താവുന്നതും മനസ്സിലാക്കിയെടുക്കാവുന്നതുമാണ്. എന്നാല്‍ മനുഷ്യന്‍ തന്‍റെ സ്വന്തബുദ്ധികൊണ്ട് എത്ര അന്വേഷിച്ചാലും കണ്ടെത്താന്‍ കഴിയാത്ത ചില കാര്യങ്ങള്‍ ഉണ്ട്. ആത്മീകവും ദൈവീകവുമായ കാര്യങ്ങളാണവ. ആ കാര്യങ്ങള്‍ ദൈവം തന്നെ മനുഷ്യര്‍ക്ക്‌ […]